ازاي تختار كاميرا المراقبة المناسب لبيتك او شركتك!
- المدونة 17 فبراير2020
شركة ويب عربي قررت تنزل معلومات تفيد كل شخص عاوز يركب كاميرا للمراقبه..
المعاينه
ازاي بنفسك تختار نوع الكاميرا و مكان التركيب..
عشان تقدر تغطي اكبر مساحه ممكنه من بيتك/شركتك لازم تختار كاميرا بعدسه ليها بُعد بؤري مناسب مع الكادر المطلوب تغطيته.
و هنا بتسال نفسك سؤال ! انا عايز الكاميرا في ايه ؟؟ تفاصيل ام نظره عامه – يعني عاوز تأمن نفسك من حالة سرقه ولا عاوز تتابع اللي بيحصل و مش محتاج التفاصيل الدقيقه مثلا! ولا محتاج حاجه تحدد الملامح كويس و تتعرف بيها علي الأشخاص؟؟
الخلاصه << كل ما البعد البؤري للعدسه كان اصغر كل ما زاوية الرؤية اصبحت اوسع.. لكن ده بيجي علي حساب وضوح التفاصيل البعيده..
علي سبيل المثال لو عاوز تشوف تفاصيل واضحه (مدخل الشركه/ كاشير/…) يبقي تختار عدسة 4 مللي او 6 مللي او 8 أو اكبر و الي هتوفرلك رؤية اوضح للتفاصيل علي مسافة 15 أو 20 متر ” ولاحظ قوة الرؤيه الليليه طالما الكادر المطلوب علي المسافه دي “
كاميرا Fisheye او عين السمكه
– لو محتاج نظره عامه (لمتابعة المكان بصوره روتينية) يبقي كاميرا Fisheye او عين السمكه اللي قطر العدسه بتاعها 1.5 مللي تقريبا و هاتكون ممتازه بالنسبه ليك لانها بتقدر تجيب زاوية رؤيه واسعه جدا 180درجة أو كمان ممكن كاميرا عدستها 2.8ميجا هاتجيبلك كادر زاويته 90درجة تقريبا.. لكن لو حد واقف علي بعد 10 متر فأكثر مش هاتكون تفاصيله واضحة و الصوره اللي قدامك دي بتوضح الفرق بين عدسه 1.6 و عدسه 3.6..
اختيار المكان الأفضل لتركيب كاميرا المراقبة
اما بالنسبه لاماكن التركيب فافضل شئ ان مفيش كامرتين يكونوا موجهين لنفس الكادر و يفضل تكون كل كاميرا متراقبه بكاميرا ثانيه علي الاقل لعدم التلاعب بها.
بالنسبه للكاميرات الثابته (fixed) :
لو الكاميرا خارجية و مفيش كاميرا مغطياها لازم تتركب علي ارتفاع 5 متر علي الاقل عشان متكنش عرضه للسرقه او التلاعب و كمان حاول مايبقاش في اضاءه قويه في وش الكاميرا – بالعكس خلي مصدر الاضاءه خلف الكاميرا
اما الكاميرات المتحركه PTZ :
فدي كاميرا فيها options كتيره جدا و بتقدر تعمل zoom و تتحرك علي حسب البرنامج المعطى ليها و ممكن تكون الكاميرا الواحده منها بديل لعدة كاميرات ثابته.
يمكنكم زياره منطقه العملاء لمعرفه الكثير عن عروض وخدمات شركتنا
ولعروض ومعلومات اخرى برجاء زياره موقعنا ويب عربى
